Yesca
ye un coleutivu que tien
comu llinia a siguir la organización y la llucha.
Organización
asamblearia, pues creyemos que tolos xóvenes
que sofrimos les agresiones producíes pol sistema
tenemos de tar xuníos pa tener más fuercia
escontra’l mecanismu l’enemigu opresor, poro,
magar que ye una muerganización independiente, ta
encadarmada nel so entornu ñatural, que ye’l
movimientu castiellanista y la llucha debe ser, escontra’l
sistema capitalista, combinando la formación política
cola movilización y axitación social na cai.
Dotramiente,
Yesca llucha escontra toles torgues y problemes que se mos
imponen a la mocedá. Comu pue ser la esplotación
llaboral que tenemos que sofrir dende eses ETT's,
colos contratos de formación o de práutiques.
Ente la especulación de la vivienda
na autualidá; que nun dexa que seyamos quien a independizanos,
faciéndomos depender de midíes como la ocupación
d’espacios.
Escontra
la represión sofrida a diariu por
toles puntes de llanza que l’estáu hespañol
tien pa torturar, comu son les sos fuercies de seguridá
(policía, guardia civil, exércitu), o los
sos sicarios ensin uniforme comu son les bandes facistes
y neonazis qu’ataquen y amenacen a mozos namái
por ser estremaos. Que llucha escontra la esplotación
de la muyer nuna marcada sociedá patriarcal,
dende una posición de calter feminista p’algamar
una sociedá non-sesista.
Tamién
tamos col mediu que mos rodia, esi mediu ensin el que nun
podríemos sobrevivir, y qu’a dalgunos nun-yos
esmolez destruir pal so propiu beneficiu.
Por
eso, guetamos esa chispa que faiga prender les nueses mentes
pa nun cayer nel pasotismu y na galvana ( que son les meyores
armes del sistema autual), los cualos son creaos na mocedá
por determinaes drogues, controlaes y emplegaes pol propiu
sistema, pa controlar a la mocedá al so bedríu.
Yesca
tiene marcáu un ámbetu de llucha que vien
dau polos rasgos comunes que tienen les persones que faen
un pueblu, comu pue ser la llingua, los vezos, el folclor,
les tradiciones populares, ya eso. Amás de tener
un entornu xeográficu estremáu colos pueblos
llimítrofes, que ye’l principal motivu que
marca la vida social de la xente.
Anque
comu pueblu oprimíu que somos, sabemos
que la solidaridá ha ser internacionalista y nun
entender de llendes, caún que lluche primero nel
so pueblu y pol so pueblu.
Poro
dende Yesca nun lluchamos por una tresformación o
por un cambiu del sistema autual, porque
elli y les persones que lu manexen, les que mos ponen torgues
y problemes a la xuventú. Asina que creyemos qu’hemos
defender un cambiu de sistema na sociedá, pues somos
revolucionarios y revolucionaries. Pero pa ser quien a facelo,
los mozos y moces comprometíos, tenemos de facer
tolo que tea dientro les nueses posibilidaes magar que talantemos
que nun seya abondo, pues si toos y toes lluchamos xuntos,
venceremos.
¡ORGANÍZATE Y LLUCHA!
